Reklamo dito, reklamo doon. Yan ang PINOY!
Mahilig
tayong magreklamo kapag ayaw natin ang nangyayari sa atin o sa paligid natin.
Nagrereklamo pa nga tayo kahit wala naman dapat tayong pakialam sa isang tao o
bagay. ang pinaka award winning na reklamo natin ay goes to……. GOBYERNO.
Nagtataka
ako kung bakit halos lahat ng tao naiinis o nagagalit sa Gobyerno. Dahil ba
hindi natin nakikita ang mga pangako nila, dahil ba ang bagal ng pag-aayos nila
sa Pilipinas o dahil ba iniisip natin na kinukurakot ng mga nakaupo ang lahat
ng pera ng bansa natin?
Bilang
mamamayan ng bansang Pilipinas, “dapat may pakialam ka” ika nga ni Ted Failon
sa tv show nyang ‘Failon Ngayon’. Pero hindi porket sinabing ‘dapat may
pakialam ka’, lahat pakikialaman mo pati yung pribadong buhay ng nakaupo,
uusigin mo. May karapatan din silang magreklamo sating mga pinagsisilbihan
nila.
Siguro
naman, ginagawa nilang lahat ng makakaya nila para matupad ang mga pangako nila
sa atin. Hindi naman sila maglalakas loob na tumakbo sa posisyon sa gobyerno
kung wala silang maipagmamalaki,diba? O susuportahan ng mga supporters nila
dahil lang sa pera? Hindi naman tayo bobo ang mga pilipino na dahil lang sa
suhol, iboboto agad nila yung tao. Siguro nga may ilan na ganun, pero
naniniwala ako na mas maraming matalinong Pilipino.
Isa
pa, reklamo tayo ng reklamo dahil hindi ramdam ang pag-unlad, ang tanong,
nakikicooperate ba tayo sa mga gusto nilang mangyari o proseso ng mga pangako
nila? Hindi diba? Kasi inuuna nating magreklamo. Hindi tayo nakikisama para
mapabilis ang pagsasaayos ng dapat ayusin dito sa bansa natin. Porket
nakakaabala sa atin, hindi magandang proyekto at minsan dahil sayang sa pera ng
bansa. Pag hindi naman nila ginawa dahil sa una pa lang, alam na nilang
maraming maiinis sa gusto nilang mangyari, magagalit naman tayo dahil walang
pinagbago ang Pilipinas sa panahon ng pamamahala nila. Siguro iniisip ng mga
nakaupo na, “ano ba talaga, koya, ati?” dahil sa hindi na nila maintindihan ang
gusto mangyari ng mga tao.
Alam
kong may pagka-bias na yung naiisip ko, pero diba, bigyan naman natin sila ng
time at ‘benefit of the doubt’. Siguro naman hindi sila basta-basta gagawa ng
aksyon na alam nating hindi maganda at hindi nakakabuti para sa lahat ng tao sa
bansa natin. May karapatan tayong magreklamo pero don’t abuse the privilege.
